LAOAG CITY – Naitampok dagiti nagduduma a produkto a partuat dagiti ilokano iti pannakaiselebrar ti 128th anniversary ti panagkasangay ni Governor Roque Ablan Sr. ditoy siudad ti Laoag.
Dagiti nagduduma a naitampok a produkto ket masarakan iti trade fair iti sanguanan ti ti Laoag City Hall.
Ti nasao a trade fair ket tulong para kadagiti Micro, Small and Medium Enterprises (MSMEs) para iti pannakailako ken pannakaiyammamo dagiti agricultural ken local products.
Mainaig iti daytoy, personal a pinasiar da House Majority Leader Sandro Marcos ken ni Mayor James Bryan Alcid dagiti aglaklako kas panangipakitada ti panangsuportarda kadagiti negosiante ken dagiti lokal a produkto.
