LAOAG CITY –Naideklarar ti state of emergency ti western Canada kalpasan a naibakwit ti rinibo nga indibidual gapu iti napaspas a panagwaras ti wildfire manipud pay idi Biernes, Agosto 7.
Basar iti Wildfire Service, maysa nga indibidual ti pimmusay iti Bald Range nga uram, no sadinno a 136 sq km ti naapektaran idiay Summerland ken nagduduma pay a paset t British Columbia.
Kinuna ni Summerland Mayor Doug Holmes a naibakwit dagiti rinibo a residente iti kabangibang a lugar.
Gapu iti nakaro nga uram, naaddaan ti bukod a weather systems ti nasao a lugar no sadinno a nakabukel pay daytoy iti naidumduma a kimat.
