LAOAG CITY – Ikkis ti trabahador ti public apology ti maipagarup a tinungpa-tungpa ni Kapitana Julart Malapid iti Barangay Madamba iti ili ti Dingras.
Ti biktima ket nabigbig a ni Mr. Jay-ar Ceredon, agtawen 40, addaan asawa, ken residente ti Barangay Albano iti isu met laeng nga ili.
Segun iti biktima, nagturong daytoy iti barangay hall tapno mangipila ti reklamo kontra iti kasinsin ti amona gapu iti maipagarup a panangkamat kenkuana ti imuko iti pagtaengan nga ayanna.
Kunana a ti nasao a panangkamat kenkuana ti imuko ket gapu iti manok a naipabasol nga innalana no sadinno a daytoy a manok ket manipud iti pagtaenganda.
Apaman a nakita daytoy ti kasinsin ti amona, kellaat a tinagikuana ti manok a napabasol ti biktima a maipagarup a tinakawna daytoy.
Tapno awan ti adu a riri, inpabagi latta ti biktima ti manok iti kasinsin ti amo nan.
Ditoyen nga adda ti nagtaud a riri ket kellaat a kinamat ti nasao a suspek ti biktima ti kutsilyo ngem nalappedan daytoy gapu ta napan naganawa ti amona.
Gapu iti daytoy, nagturong ti biktima ti barangay hall tapno mangipila ti reklamo ngem ditoyen a tinungpa ni Kapitana.
Kunana a naala ti pispis ken mugingna no sadinno a napan daytoy nagpa-check up gapu ta nasakit ti nasao a tungpa.
Mainaig iti daytoy, nagturong ti biktima iti Philippine National Police (PNP) Dingras tapno ipa-blotter ti napasamak.
Nagturong met ti Kapitana iti Philippine National Police (PNP) Dingras tapno agpakawan ngem saan nga inawat ti biktima gapu ta ikkis daytoy ket ti maysa a public apology.
Kabayatanna, saan a maipeksa ti biktima ti kinasakit ti nakem na no sadinno a hustisia ti kiddawna kas maysa a nakurapay.
