LAOAG CITY – Mabalin a sumango ti pannusa ni Bise Presidente Sara Duterte no saan nga agparang iti pannakausigna ti kaso a grave threats a naipila kontra kenkuana iti Quezon City Regional Trial Court.
Daytoy ti impaganetget ni DOJ Spokesperson Atty. Polo Martinez kalpasan ti kaso ni Duterte gapu iti mapapati a panangpangtana iti biag da Presidente Ferdinand Marcos Jr., First Lady Liza Araneta Marcos, ken House Speaker Martin Romualdez.
Segun kenni Martinez, nalawag ti nakasaad iti linteg no ania ti epektona no saan nga agparang ti akusado iti scheduled trial.
Innayonna a nupay saanda a makasao para ken ni VP Duterte no agparang wenno saan, nailanad ti linteg ti posible a dusa iti saan a panangikankano iti court summons.
Mainaig iti daytoy, kinumpirmaran pay ti DOJ a nangipila ti maysa a panel of prosecutors iti kaso kontra ken ni Duterte iti QC RTC gapu iti nakaro a pangta.
Inrekomendarda pay ti P120,000 a piyansa mainaig iti mapapati a pangta ni Duterte a mapapatay da PBBM, First Lady Liza, ken Speaker Romualdez no mapapatay.
