LAOAG CITY – Naiget a kinondernar ti Japan ti panagbisita ni Russian President Vladimir Putin iti maysa nga pagap-apaan nga isla nga asideg iti teritorio ti pagilian.
Nagturong ni Putin iti Iturup a maaw-awagan nga Etorofu ti Japan, maysa kadagiti uppat nga isla iti Kuril chain a tagtagikuaen ti Tokyo ngem kontrolado ti Russia.
Inbatad ni Japanese Prime Minister Senate Takichi a saan a nainkalintegan ti panagbisita ni Putin gapu ta maipagarup a nasakit daytoy para kadagiti Hapon.
Insigida a tinawagan ti Japanese Foreign Ministry ti Russian ambassador iti Tokyo tapno idasar ti pormal a protesta.
Inpetteng ti Russian Embassy a paset ti teritorio ti Russia dagiti isla ken legal ti pannakipaset dagitoy iti pagilianda.
Iti uppat nga isla ket sinakup ti Soveit Union sumagmamano nga aldaw kalpasan a simmuko ti Japan idi World War II.
Iti agdama, agtultuloy a tagtagikuaen ti Japan ken nagbalin a kangrunaan a rason ti awan pormal a peace treaty iti dua a pagilian.
Kabayatanna, ad-adda a limmamiis ti relasion ti Moscow ken Tokyo kalpasan ti panagraot ti Russia iti Ukraine idi 2022 a nakipaset ti Japan kadagiti pagilian a nangipatungpal ti sanctions kontra iti Russia.
