LAOAG CITY – Inlawlawag ti Bases Conversion and Development Authority (BCDA) ken ti Board of Investments (BOI) ti Department of Trade and Industry a maysa a manufacturing hub ken saan nga artificial intelligence (AI) hub ti plano a panangipasdek ti Pax Silica hub idiay Capas, Tarlac.
Iti panagdengngeg ti Senate Committee on Environment, Natural Resources and Climate Change, inlawlawag ni Department of Trade and Industry (DTI) Undersecretary Ceferino Rodolfo a gudua ti Pax Silica.
Dinakamatna ti maysa ditoy ket maipanggep iti non-binding wenno saan a puersa a katulagan maipanggep iti economic initiatives ti 24 a pagilian a pakairamanan ti Pilipinas ken maikadua ti aktual a panangitandudo ti proyekto ken daytoy ti plano idiay Capas.
Saanda daytoy nga aw-awagan a Pax Silica no diket “Clark Advanced Manufacturing Park” a para met iti panagaramid kadagiti equipment ken component nga i-export iti AI data centers.
Inalay-ayan ni BCDA President ken CEO Joshua Bingcang ti panagamakda iti proyekto.
Kunana a ti 1,619 nga ektaria a daga ti sagut ti gobierno para iti panagsungbat kadagiti concerns kadagiti komunidad iti development area.
Inpasigurado pay ti Bases Conversion and Development Authority a saan daytoy a makaagaw ti suplay ti kuryente ken danum idiay Tarlac gapu ta agpartuat ti bukud dagiti investors, agusar ti solar energy, baterya, liquefied natural gas ken mangala ti danum manipud iti baybay ken agaramid pay ti pangikabilan ti sobra a danum.
