LAOAG CITY – Inbatad ni Senator Panfilo “Ping” Lacson a maipagarup adda nakitana a sumagmamano a “kwestionable” a lump sum appropriations para iti infrastructure projects para iti P7.2-trillion 2027 national budget.
Segun ken ni Lacson, agkiddawda ti kanayunan a detalye ken panangilawlawag a mabalin a matalantan iti Development Budget Coordination Committee (DBCC) briefing inton Agosto 27.
Inlawlawagna a ti lump sum appropriations ket pakabukelan ti naikeddeng a pondo iti maysa a proyekto wenno programa nga awan ti detalyado a breakdown-na iti gastos.
Inpettengna a ti lump sum appropriations ket mabalin daytoy para iti calamity funds, ngem agbalin daytoyen a kwestionable no para iti infrastructure projects.
Gapu iti daytoy, inpanagetget ni Lacson ti panangtingitingda iti nasao a budget para iti espesyal a probision a mabalin a maaramat iti panagabuso iti unprogrammed appropriations.
Kabayatanna, mainaig iti daytoy, impasigurado ni Senate Finance Committee Chairman JV Ejercito a saanda a palubosan dagiti budget insertions iti bicameral conference committee no awan dagitoy kadagiti budget version ti Senado wenno House of Representatives.
