LAOAG CITY – Nagkiddaw ti Marcos administration ti P10.773 billion confidential ken Intelligence funds (CIF) iti salinong ti 2027 proposed national budget.
Ti rakurak a confidential ken Intelligence funds (CIF) ket 8.8 a porsiento a nababbaba kumparar iti P11.818 billion iti tawen 2026.
Mainaig iti daytoy, inrekomendar ti ehekutibo ti P4.368 billion para iti confidential funds, ken idinto a P6.405 billion met para iti intelligence funds.
Segun ken ni Actng Budget Secretary Kim Robert De Leon, dagiti laeng pudno nga ahensia ti mapalpalubosan para iti confidential ken Intelligence functions ti makaawat ti nasao a pondo iti salinong ti National Expenditure Program (NEP) para iti fiscal year 2027.
Kabayatanna, impasigurdo ti secretario ti pannakaidalan ti panagusar ti confidential ken Intelligence funds (CIF) iti budgeting, utilization, liquidation ken auditing rules tapno masigurdo ti panagsungbat ken ti umno a panagusar ti nasao a pondo.
