LAOAG CITY – Inyakar ti House of Representatives ti iskedyul ti panagdengngeg iti 2027 national budget gapu iti saan a napintas a sasaaden ti panawen, ngem inpettengda a kalikagumda ti panagleppas ti nasao a budget deliberations iti dati a timetable.
Segun ken ni House Appropriations Committee Chair Rep. Mika Suansing, mangrugi ti budget hearings inton Agosto 24, no sadinno ket sumango iti komite dagiti sumagmamano nga ahensia pakairamanan dagiti Philippine Amusement and Gaming Corporation, Department of Trade and Industry, Department of Justice, Philippine Charity Sweepstakes Office ken ti Department of Science and Technology.
Mainaig iti daytoy, inabatad ni Suansing a paalistuen ken pagsasabayenda dagiti sumagmamano a hearing no kasapulan tapno mabawi dagiti naitantan nga aldaw a panagdengngeg.
Impanamnamana a saan a maisakripisio ti naiget a panagtingitingda iti budget gapu iti panagalistoda a kamaten ti iskedyul.
