LAOAG CITY – Umabot iti 46 a tattao ti natay kalpasan a naarinebneb ti nagluganan da a bangka iti north-western Sokoto state idiay Nigeria.
Mapapati a ti bangka ket nagkarga ti nasurok a 70 a tattao, a kaadoan ket ubbing.
Inbatad ni Police spokesperson Ahmad Rufai a dagiti 46 a bangkay ket nakita iti asideg ti Gorau iti Gorony.
Adda met ti 16 nga indibidual a naisalakan dagiti otoridad idinto a 15 a sabsabali ti nagtalinaed a mapukpukaw.
Iti agdama ket agtultuloy ti search operation dagiti otoridad.
