LAOAG CITY – Balligi a nangabak ti Gilas Pilipinas Women kontra iti Senegal iti FIBA Pre-Olympic Qualifying Tournament ita nga aldaw, Agosto 21.
Impasigurado ti Gilas Women ti balligi a panag-exit-da iti torneo iti score a 79-75 idiay Astros Arena iti Guadalajara, Mexico.
Nupay saanda nagundawayan a makastrek ti Olympic Qualifying Tournament kalpasan a naatiw ti Gilas iti host country a Mexico ken World No. 7 a Canada, gagem ti Gilas Women a palpasen ti kampaniada ti balligi iti 1-2 slate iti torneo.
Kabayatanna, adda man gundaway ti Gilas Women iti maysa nga Olympics berth iti 2027 FIBA Women’s Asia Cup no sadinno ti pagilian ti host idiay Cebu City.
