LAOAG CITY – Nangipila ni Senate President Sherwin Gatchalian ti reporma para iti pannakaipababa ti electricity costs gapu iti saan a napintas nga economic growth ken ti mapaspasaran a karit iti problema ti enerhiya.
Inbatadna a dagiti generation ken system loss charges ket baybayadan dagiti consumers ken makita daytoy kadagiti bills-da a segun kenkuana, nasken nga agbalin a transparent, mailawlawag ken makaitedda ti naan-anay a rason mainaig iti panagsingirda kadagiti generation ken system loss charges.
Kabayatanna gapu iti daytoy, impila ni Gatchalian ti Senate Bill No. 2350 wenno ti System Loss Charge Abolition Act a kalikagumna a mangipawil kadagiti distribution utilities nga agsingir ti system loss charges kadagiti consumers ken ti pannakaipaikkat ti value-added tax para kadagiti bills-da iti kuryente.
