LAOAG CITY – Naburak ti maysa a babai manipod iti California ti bukod na a Guinness World Record para iti “oldest female competitive skateboarder” iti tawen na a 66.
Naamoan a ni Judi Oyama, ket rinugyan na paylaeng ti ag-skateboard idi agtawen ti 13, ken immuna a nagun-od na ti titulo idi agtawen ti 64.
Nupay kasta, iti nakipaset manen ni Oyama iti 2025 International Slalom Skateboarding World Championships iti Brazil idi Nobyembre iti tawen na 66 a nakaburakan na ti bukod na a titulo.
Kinumpirmaran ti Guinness World Records a naartapan ni Oyama ti bukod na a titulo para iti “world’s oldest competitive skateboarder (female category)”.
Plano ni Oyama nga artapan manen ti rekord na intono Oktubre ita a tawen iti pannakipaset na iti World Skate Games.
