LAOAG CITY – Saan a mamati ti maysa a babai iti Australia kalpasan a naipaay wenno pinatawid kenkuana ti balay a renrentaanna ti sumurok 20 a tawen manipud iti landlord-na.
Sumurok 23 a tawen a nagtalinaed ni Jane Sayner iti maysa a two-bedroom unit iti St. Albans, Melbourne.
Iti uneg ti sumagmamano a tawen, regular laeng nga agrerenta ni Sayner ket saanna ninamnama a maited ti mismo a property kenkuana.
Namunganay daytoy idi nakaawat ni Sayner ti tawag manipud iti landlord-na a ni John Perett. Kunana a pinakasarita ni Perret ti abogadona kenkuna ken inted ti umno a naganna gapu ta ipatawid ti renrentaanna a unit kenkuana.
Naamoan nga adda iti nursing home ni Perette a nakapasar ti Parkinson’s disease. Daytoy ket dati a pharmacist, football player, property investor ken philanthropist. Addo a kuarta ken properties ti nagun-odna ngem dakkel a paset dagitoy ket nagdesisionanna nga ited.
Malaksid iti balay nga inpaayna ken ni Sayner, nag-donate pay daytoy ti $19.6 million iti nephrology department ti Royal Melbourne Hospital no sadinno napateg daytoy nga ospital ken ni Parette gapu ta idtoy a nagpa-kidney transplant, 30 a tawen sakbay daytoy a pimmusay.
Segun kadagiti doctor, nagtalinaed a naimbag ti transplanted kidney-na agingga ti pannakatayna iti tawenna nga 86.
Kabayatanna, iti agdama, retirado ti agtawen 74 a ni Sayner ken naragsak nga nagtalinaed iti pagataengannan. Kunana nga inaldaw na malaglagip ti kinaimbag ni Perrett ken agyaman daytoy kenkuana.
