LAOAG CITY – Natay ti 37 nga indibidual kalpasan ti inwayat a drone strike ti Russia iti maysa a bodega idiay Kyiv, Ukraine.
Inbatad ni Kyiv region governor a ni Tymur Tkachenko, ti agtultuloy a panag-rescue dagiti otoridad iti nasao a lugar.
Manaig iti daytoy, nakangngeg dagti otoridad ti napigsa a panagbettak kalpsan ti panagatake.
Innayon pay ti regional governor nga adda ti 50 a residential building ti naapektaran gapu iti nasao a panagatake ti Russia.
Kabayatanna, naamoan a naglaon ti nasao a bodega a pinabettak ti Russia dagiti bomba a rason ti panagsagaba ti nakaro a pannakadadael ti aglawlaw iti insidente.
Gapu iti daytoy, nangiwayat ti imbestigasion dagiti otoridad ti Ukraine ti rason ti pannakailemmeng dagiti bomba ken ti panagbettak iti asideg kadagiti pagtaengan dagiti residente.
