LAOAG CITY – Agtalinaed iti puestona ni Heneral Manager Nicolas Torre III ti Metropolitan Manila Development Authority (MMDA).
Kinuna ni MMDA chairperson Romando Artes a manarimaan ti imbestigasion kontra ken ni Torre gapu iti panangmanehona iti luganna iti EDSA Busway.
Innayon ni Artes nga inadmitir kenkuana ni Torre a kukuana ti nadakamat a lugan.
Saan met a nakumpirmaran ni Artes no adda ni Torre iti uneg ti luganna.
Inlawlawag ni Artes a saan a maapektaran ti trabaho ni Torre iti MMDA.
Immunan nga inbatad ti Land Transportation Office (LTO) a ti MMDA patrol vehicle a nairaman iti insidente ket insuko ni Torre kalpasan a naikkan iti show-cause order gapu iti panagmanehona iti busway ti EDSA.
