LAOAG CITY – Ad-adda pay ti panangpasayaat ti Philippine Health Insurance Corporation (PhilHealth) ti Yaman ng Kalusugan Program kangrunaan na ti pannakapadur-as dagiti pagannurutan ken naig-iget a verification process.
Daytoy ti inbatad ni Philippine Health Insurance Corporation president Beverly Lorraine Ho.
Iti House budget hearing, inbatad ni Ho a ti nasao a programa ket resulta ti konsultasyon ken feedback manipod iti nagduduma nga stakeholders.
Karaman ditoy ti panagusar ti biometrics tapno iberipikar ti aktwal a pasyente ken ti panagtipon ti healthcare provider claiming ti pasyente iti eGov app.
Ti ad-adda pannakapasayaat ti programa ket kalpasan ti reklamo a ti sumagmamano a local government units (LGUs) ket us-usaren da daytoy para iti fraudulent activities kas ti panagenrol dagiti residente nga awan ti pammalubos ken awan ti ammo na, ken ti panangusar ti pondo para iti maanomalya a transaksyon.
Ti YAKAP ket enhanced primary care benefit package a sakopen ti konsultasyon, indicated laboratory ken cancer screening tests, ken uray ti naireseta nga agas.
