LAOAG CITY – Nakastreken iti grand finale ti Drag Race Down Under vs. The World ti Filipina drag queen a ni M1ss Jade So.
Nagun-od ni Jade ti maikatlo a badge-na kalpasan a nakastrek iti Top 2 iti maysa nga episode ti international drag competition.
Gapu iti daytoy, karaman ti drag queen kadagiti queen nga umabante iti semifinals ti kompetision.
Iti agdama, adda tallo a badges ni Jade, kapadana da Michael Marouilo ken Art Simone sakbay ti semifinal round ken nakagun-od daytoy ti pammadayaw manipud kadagiti judges gapu iti performance ken nagduduma a runway looks.
Maipalagip a nabigbig ni M1ss Jade So kalpasan a nakipaset daytoy iti Drag Race Philippines ken iti agdama ket mangibagbagi iti pagilian iti international drag competition.
Nupay kasta, malaksid iti drag, agtultuloy met ti panagaramidna ti musika pakairamanan ti baro akantana a napauloan ti “GODDESSA” ken “BAPHOMETA.”
Iti grand finale, paglabanan dagiti finalist iti korona, sentro ken titulo a “Queen of the Mothertucking World,” ken ti AUD50,000 a premio.
