LAOAG CITY – Target ti Department of Health (DOH) nga ag-deploy ti 24,381 nga health professionals kadagiti probinsia ken local government units iti 2027 tapno mapapigsa ti healthcare services kadagiti komunidad.
Inbatad ni acting Health Secretary Edwin Mercado ti plano iti panagdengngeg ti Senate Committee on Finance ti gakat a 2027 budget ti Department of Health ken dagiti attached agency-na daytoy.
Ipatungpal ti deployment iti babaen ti National Health Workforce Support System (NHWSS) a gagemna nga nayonan ti health personnel kadagiti lokal a gobierno, partikular kadagiti lugar nga agkurang ti healthcare workers.
Iti babaen ti National Health Care Act, nabilin ti ahensia a suportaran ti local public health systems iti human resource needs-da nga adda prioridad iti geographically isolated and disadvantaged areas.
Kabayatanna, kiddaw ti ahensia ti sumurok-kumurang P740 million para iti validated appeals mainaig ti benepisio ti healthcare workers.
Iti babaen ti gakat a 2027 National Expenditure Program, addan iti P353.8 billion ti nailatang a budget para iti Department of Health ken dagiti attached agency-na daytoy.
