LAOAG CITY – Balligi a naarestar ti maysa a construction worker iti naiwayat a drug buy-bust opearation iti ili ti Badoc.
Ti suspek ket agtawen ti 52, naasawaan, construction worker ken residente ti Brgy. Paltit iti nasao nga ili.
Nakumpiskar manipud iti suspek ti maysa nga heat sealed transparent plastic sachet nga naglaon ti sumurok-kumurang a 2 a gramo crystalline substance a mapapati a shabu nga aggatad ti P13,600.00.
Malaksid iti daytoy, nakumpiskar pay manipud iti suspek iti maysa a genuine ₱500.00 bill a nausar kas buy-bust money ken 11 a pidaso a ₱500.00 bill a boodle money, maysa a unit cellphone ken maysa a kurong-kurong.
Ti pannakaarestar ket babaen ti panagbinnulig ti Badoc Municipal Police Station kas lead unit, Provincial Drug Enforcement Unit (PDEU-Ilocos Norte), Ilocos Norte, Provincial Intelligence Unit, Ilocos Norte (PIU-Ilocos Norte) ken dadduma pay.
