LAOAG CITY – Kumpirmadon a saan a makaay-ayam ni Kai Sotto para iti Gilas Pilipinas iti 2026 Asian Games a naikeddeng a maisayangkat iti umay a lawas iti Nagoya, Japan.
Daytoy ti inbatad ni Gilas Pilipinas head coach Tim Cone, no sadinno a saan a karaman ni Kai iti paanangdepensa ti Gilas iti korona na iti Asian Games.
Kuna ni Cone a dagiti 12 players ti agparada para iti Gilas Pilipinas iti Asian Games.
Inpetteng ni Cone a dakkel koma a tulong ni Sotto iti Gilas no makaay-ayam iti Asian Games aglalo ket napintas ti inpakita na nga ay-ayam iti kalepleppas a second round ti FIBA World Cup Asian Qualifiers.
Nakairekord ni Sotto ti averages a 15.5 points, 15 rebounds ken 3.0 assists iti dua a panangabak ti Gilas kontra iti Jordan ken Iran.
Mangrugi ti kampanya ti Gilas iti Asiad intono Setyembre 11 kontra iti Bahrain, kalpasan na ket makasango na ti Kazakhstan iti Setyembre 12 ken China iti Setyembre 14.
