LAOAG CITY – Binigbig ni US President Donald Trump dagiti biktima ti September 11, 2001 terror attack.
Iti naisayangkat a seremonya iti paset ti White House, naikabil iti lugar ti 21 a kadapan ken addaan ti kadagsen a 17,000 pound steel beam a naipasubli manipod iti South Tower ti World Trade Center iti New York.
Paset ti nasao a programa ti maysa a lawas a maika-25 a tawen ti pananglagip iti terror attack ken agleppas intono aldaw ti Biyernes, Setyembre 11.
Ti kangrunaaan a binigbig ni President Trump ket isuda Jeffrey Palazzo, bumbero ti New York City ken WElles Crowther a nangisalakan ti sumagmamano nga indibidual manipod iti panagatake.
Inrakurak ni Trump iti panagbitla na a saan a malipatan ti Estados Unidos iti napasamak a terror attack.
Maipalagip nga umabot iti 2,977 a tattao ti natay ken sumagmamano a ribo a sabsabali dagiti nasugatan iti terror attack nga inpatungpal ti al-Qaeda iti panangidaulo ni Osama Bin Laden.
Adda ti 19 a terorista ti nagplano ti panagatake no sadinno nga hinay-jack da ti uppat nga eroplano ken pinabagsak kadagiti lugar ti Twin Towers iti World Trade Center iti New York City; maysa iti Pentagon iti Arlington County, Virginia ken iti kabakiran iti Pennsylvania.
