LAOAG CITY – Nakumpleton ti Gilas Pilipinas dagiti players na a lumaban iti 20th Asian Games iti Aichi-Nagoya, Japan.
Segun ken ni Gilas coach Tim Cone, karaman kadagiti innala da nga agay-ayam para iti Gilas ket ni Calvin Oftana.
Ni Oftana ti nangkompleto iti puwesto a para koma ken ni Justin Brownlee nga agdama nga agpapaimbg manipod iti injury na.
Agtalek ni Cone a kabisadon ni Oftana ti sistema ti ay-ayam ti Gilas gapu ta karaman daytoyen kadagiti dadduma nga ay-ayam ti national team, ken kakaisuna a miembro ti Gilas a nangabak ti gold medal idi 2023 Asian Games a naisayangkat idiay Hangzhou, China.
Inrakurak ni Cone a dagiti agay-ayam iti Gilas Pilipinas para iti Asian Games ket pakairamanan da Don Trollano, RJ Abarrientos, Justine Baltazar, Justin Arana, Jerrick Ahanmisi, Robert Bolick, Sedrick Barefield, Brandon Bates, Brandon Ganuelas-Rosser, Zavier Lucero ken Adrian Nocum.
Umuna a makasango ti Gilas Pilipinas ti Bahrain intono bigat, Setyembre 11.
