LAOAG CITY – Opisial nga addan iti kontrol ti Commission on Election (Comelec) En Banc iti intero Cotabato City ken iti ili ti Maluso, Basilan ita nga aldaw, Setiembre 14, kabayatan ti panangrugi ti panagbotos para iti kangrunaan a Bangsamotro Parliamentary Elections.
Ti nadakamat a desision ket pormal nga inpatungpal ti poll body kasaruno ti nairekord a nagsasaruno a kinaranggas ken insidente iti dua a lugar sakbay iti eleksion.
Pakairaman ditoy ti napasamak a pammaltog ken panagbettak ti granada iti Cotabato City a nangitunda ti pannakatay ti tallo nga indibidual ken sumagmamano ti nasugatan. Kabayatan dagiti rekord ti tension ken harassment iti Maluso, Basilan.
Iti babaen ti Comelec Control, saan a dumalan ti komision ti lokal a hurisdiksion tapno direkta nga imanehar ti panangidaulo ken seguridad kadagiti nadakamat a lugas iti panagbinnuligan ti Philippine National Police (PNP) ken Armed Forces of the Philippines (AFP).
Adda turay ti Commission on Election a sukatan dagiti lokal nga opisial wenno security personnel ken direkta a kontrolen ti panangipatungpal dagiti linteg ti trapiko ken gun ban tapno masigurado ti kinakappia kabayatan ti panagbotos dagiti umili.
Inpasigurado ni Commission on Election George Erwin Garcia a kabayatan ti panangikabil iti dua a lugar iti babaen ti Comelec Control, agtultuloy ti proseso ti panagbotos ken agtalinaed a natalged ken kontrolado dagiti otoridad ti kasasaad iti amin a polling presincts.
