LAOAG CITY – Inbatad ni Home Affairs Minister Tony Burke a paigetan ti Australia ti migration iti babaen ti naiget a pagannurotan para kadagiti foreign students, backpackers, ken working holiday-makers.
Iti babaen ti baro a pagannurotan, maipawilen ti panangitugot ti foregn students kadagiti assawada ken annakda bayat ti panagadalda iti Australia.
Kabayatanna, para met kadagiti indibidual nga agtrabtrabaho ti nasursurok ngem ti holiday visa-da ket sumango ti nakarkaro a pannusa.
Mainaig iti daytoy, kitkitaen pay ti Home Affairs dagiti maaw-awagan kas ‘visa hopping’ no sadinno a dagiti foreign migrants nga adda iti Australia ket umakar iti sabali a klase ti temporario a visa tapno maiyalud-od ti panagyanda iti pagilian.
