LAOAG CITY – Pinirmaanen ni United States President Donald Trump kas opisial a linteg ti maysa a sanction package kontra iti Russia ken Iran nga impila ti Kongreso nga adaaan ti suportar manipud kadagiti dua a partido.
Nainaganan ti nasao a linteg a “Lindsey O Graham Sanctioning Russia and Iran Act of 2026,’’ no sadinno ket target ti nasao a linteg ni Russian President Vladimir Putin, dagiti nangangato nga opisial, oligarchs, pakairamanan payen ti sektor ti enerhia ken ti depensa ti Moscow.
Maysa nga importante a probisionna daytoy ket ti pannakaipaay ti turay ken ni Trump a mangipataw ti agingga 100 a porsiento a taripa iti lima a kadakellan a pagilian nga agangangkat ti langis ken gas iti Russia, partikular kadagiti pagilian a China ken India.
Naipila ti linteg tapno makissayan ti pondo ti Kremlin para iti pananggubtda iti Ukraine ken tapno mapilitan ni Putin a makisarita gapu iti maxium pressure.
No man pay inawagan daytoy ni Ukrainian President Volodymyr Zelensky a maysa a napigsa a panagtignay, nagballaag met ni House Minority Leader Hakeem Jeffries a mabalin a mangitunda ti probision ti taripa iti panagngato ti presio dagiti magatang para kadagiti Amerikano.
