LAOAG CITY – Nangiwayat ti parada dagiti residente ti Iran kas paset ti panangsuportada iti gobiernoda.
Iti nasao a parada, impakita ti Iranian military dagiti sumagmamano nga armas a pang-gubat.
Segun kadagiti nakipagpaset a residente, nakasganada nga ipusta ti biagda para iti kinatalged ken aniaman a posible a panagatake kontra iti pagilianda.
Indauloan ni Iranian President Masoud Pezeshkia ti nasao a parada kaduana dagiti suldado, kameng ti pulisya ken dagiti ti Islamic Revolutionary Guard Corps (IRCG) commanders.
Naisayangkat ti panagparada iti Tehran, no sadinno ket kalikagumda ti kinasaganada iti posible a panagatake ti United States.
Maipalagip nga inanunsio ni United States President Donald Trump nga inton sumarsaruno nga al-aldaw, ket pagdesisionanda no ania ti sumaruno a panagtignayda iti Iran.
