LAOAG CITY – Kalikagom ni Filipino-American player Jordan Clarkson ti agay-ayam manen para iti Gilas Pilipinas.
Inbatad na nga iyur-uray laeng ti tawag tapno makaay-ayam iti 2027 FiBA World Cup.
Maipalagip nga idi 2023 World Cup ket nagay-ayam ni Clarkson iti Gilas no sadinno nga inabak da ti China iti iskot a 96-75.
Iti nasao a torneo ket addaan ti 26 points, 5.2 assists ken 5.6 rebounds ni Clarkson.
Addan ti uppat a panangabak ken uppat a pannakaabak ti Gilas iti Group E ti Asian Qualifiers.
