LAOAG CITY – Personal a nagturong iti Banga, South Cotabato ni Department of Social Welfare and Development (DSWD) Secretary Rex Gatchalian idi Setiembre 20 tapno mangipatulod ti tulong kadagiti biktima ti napasamak a pammaltog iti Banga National High School idi Setiembre 18, 2026.
Segun ken ni Gatchalian, insigida a nangiparuk-at ti bilin ni Presidente Ferdinand “Bongbong” Marcos Jr. nga ipaay amin a kasapulan a tulong ken suporta para kadagiti naapektaran ti insidente.
Binisita pay ti sekretario dagiti ospital no sadinno matamtaming dagiti nasugatan ken dagiti pamilia dagiti natay.
Mainaig iti daytoy, sungbatan ti Department of Social Welfare and Development (DSWD) iti amin a gastos iti ospital ken mangilatang ti agtultuloy a tulong ken psychological first aid kadagiti naapektaran.
Nupay kasta, indeklerar ita nga aldaw ti Lunes, Setiembre 21 ti suspension ti face-to-face classes iti amin a lebel ti sumagmamano a lokal a gobierno it South Cotabato kas pagan-annad kabayatan ti napasamak a pammaltog.
Pakairamanan kadagiti nangipatungpal ti class suspension ket dagiti local government unit ti Banga, Surallah, Norala, Sto. Niño ken ti suidad ti Koronadal.
