LAOAG CITY – Dua nga indidibual ti natay idinto a nadadael ti paset ti maysa nga oil refinery kalpasan ti kadakkelan a drone attack ti Ukraine iti Moscow iti maudi nga aldaw ti parliamentary elections iti Russia.
Segun ken ni Moscow Mayor Sergei Sobyanin, umabot iti nasurok a 1,600 a drone ti napabagsak ti Russia sipud idi Sabado, karaman ti 450 nga agturong koma iti kabisera.
Inpetteng ti liderato ti ciudad a gagem nga idiskaril ti Ukraine ti national elections iti babaen ti insidente, ngem maipagarop a napaay ti kabusor a manggun-od iti gagem na.
Malaksid kadagiti natay, nakaparnuay pay ti nalawa a perdisyon dagiti pasdek ken pagtaenaan ti panagatake, a nangitunda ti panagbakwit ti sumuruk-kumurang nga 400 a residente iti Ramenskoye district.
