LAOAG CITY – Tallo a tattao ti kumpirmado a natay iti nagpatnag nga Ukrainian drone attack iti Moscow region.
Segun kadagiti opisyal ti Russia, karaman kadagiti biktima ket ti maysa a babai a natay iti uneg ti balay na iti Khimki.
Malaksid kadagiti natay, inpakaammo ni Moscow Mayor Sergei Sobyanin nga adda pay ti 12 a tattao a nasugatan iti strikes a timmama iti city oil refinery.
Inbatad ti military ti Russia nga umabot iti 556 a drones ti na-intercep da.
Kabayatanna, inkalintegan ni Ukrainian President Volodymyr Zelensky a dagiti inpabanto da nga strikes ket paset laeng ti panagibales da iti nadara a Russian attacks kadagiti ciudad ti Ukraine iti kallabes a nakatayan ti 24 a kadaraan da.
