LAOAG CITY – Umabot laeng iti 21.2% ti acommplishment rate ti Cebu Provincial Health Office (CPHO) iti Measles-Rubella Supplemental Immunization Activity (MR-SIA) ita a tawen.
Dakkel a panagbaba daytoy kumparar iti agarup 90% coverage ti campaign idi tawen 2023.
Naiwayat ti vaccination campaign manipud Agosto 10 agingga Setiembre 4, no sadinno ket targetna daytoy dagiti agtawen innem agingga 59 a bulan, pakairamanan ti pannakaipaay kadakuada ti Vitamin A supplements.
Segun ken ni Cebu Provincial Health Office (CPHO) National Immunization Program coordinators Dr. Mario Joyag Jr. ken nurse Lorraine Gemperoso, karaman kadagiti nababa a turnout ti vaccine misinformation ken ti panagdu-dua dagiti sumagmamano a nagannak.
Gapu iti daytoy, nagballaag ni Joyag a mabalin nga agbalin a vulnerable iti measles dagiti ubbing a nababa ti vaccine coverage-na, no sadinno mabalin daytoy a mangitunda ti seryso a komplikasion kas iti pneumonia, aglalo kadagiti ubbing.
