LAOAG CITY – Balligi a naarestar ti dati a Barangay Kagawad iti naiyuswat a drug buy-bust operation iti ili ti Pinili.
Ti suspek ket maysa a lalaki, agtawen 46, awanan asawa, dati a Barangay Kagawad, ken residente ti Barangay Salanap iti isu met laeng nga ili.
Segun ken ni P/Maj. Tolentino Erum Jr., a daytoy ket natiliw gapu ti panaglakona ti 1 a pidaso ti heat-sealed a maatap a shabu iti maysa a police poseur-buyer ken nakumpiskar ti 3 a pidaso ti maatap met laeng nga iligal a droga.
Mainaig iti daytoy, nakumpiskar pay ti sumurok kumurang 1.9 a gramo ti iligal a droga nga addaan Standard Drug Pice a Php12,920.00, kasta payen ti maysa a Php500.00 a nausar kas buy-bust money, ken dadduma pay a drug paraphernalia.
Gapu iti daytoy, manamnama a sumango ti suspek iti kaso a panaglabsing ti Republic Act 9165 wenno Comprehensive Dangerous Drugs Act of 2002.
