LAOAG CITY – Agtultuloy ti panangdengngeg ti Land Transportation Franchising and Regulatory Board (LTFRB) kadagiti petisyon dagiti transport group nga agkidkiddaw ti pannakaipangato ti plete.
Segun ken ni Department of Transportation (DOTr) Secretary Giovanni Lopez, ileppas da laengen dagiti panagdengngeg kas paset ti proseso.
Kuna na a napateg a saan laeng nga iti biang ti transport group ti denggen da no di ket uray dagiti commuters.
Mangnamnama daytoy nga agingga iti bolan ti Oktubre ket addan ti resulta ti nasao a taripnong no maaprubaran wenno saan ti kiddaw a pannakaipangato ti plete.
Inpasigurado met ti sekretaryo nga agar-aramid ti addang ti gobierno tapno mangipaay ti suporta kadagiti transport operators ken commuters gapu iti agtultuloy a panagngato ti presyo ti langis iti pagilian.
