LAOAG CITY – Nagun-od ti maysa a ciudad idiay Turkey ti Guinness World Records title babaen ti panagluto da ti 1,807 gallons ti baked beans.
Nagtitipon ti pwersa ti Kelkit Chamber of Commerce and Industry, Gümüşhane Governorship ken Kelkit Municipality para iti nasao nga attempt.
Ti Kelkit Şeker Fasulyesi, a maysa a klase ti baked beans ket local specialty.
Inbatad dagiti organizers a ti nagun-od da a titulo ket maibilang kas historic achievement para iti Kelkit, Gümüşhane ken iti rehiyon da.
Kuna da a ireprepresentar ti international recognition ti agricultural heritage ti rehiyon, ti local product ken ti collective effort ti komunidad.
Gapu iti daytoy, opisyal nga iggem ti ciudad ti rekord para iti “largest pot of baked beans” no sadinno a naartapan na ti sigud a rekord nga addaan ti 1,479.36 gallons.
