LAOAG CITY – Nangisayangkat ti Discolandia iti panagdalus iti paset ti Discolandia iti Barangay 1 ditoy suidad Laoag.
Segun ken ni Mr. Prince Xian Aquino, president ti Discolandia, daytoy nga aktibidad nga insayangkatda ket wagas a pannangipakitada ti suporta ti programa iti city government of Laoag nga Oplan Dalus.
Innayonna pay a daytoy ket wagas tapno maliklikan ti kaso ti dengue iti nadakamat a lugar gapu kadagiti damag nga addo ti mairekord a kaso ti dengue ditoy suidad.
Malaksid ken ni Mr. Aquino, inbatad met ni Mr. Chris Jansen Mandac, bise president ti Discolandia, nga ar-aramidenda daytoy ti mamindua a daras iti kada bulan.
Kunana a suportaran met daytoy ti Barangay 1 babaen ti panangidaulo ni Barangay Chairman Manny Morales.
Naamoan a ti kangrunaan a dalusanda ket dagiti kanal nga isu kadagiti pakakitkitaan a pagitlogan dagiti lamok.
Iti aktibidad, 23 nga Discolandia owners ti nakipaset ken namnamaenda a iti babaen kadaytoy nga adding ket maliklikanda ti sakit nangruna iti dengue.
