LAOAG CITY – Agtaltalinaed ti saan a nasayaat nga angot dagiti natay ti mapaspasaran iti Devighat idiay Nepal, maysa a bulan kalpasan a timmama ti nakaro a panaglayus.
Mainaig iti daytoy, agtaltalinaed ti panangiwayat dagiti search and rescue team ti panagkali kadagti pitak a nakatabunan dagiti babbalay, pasdek negosio ken kadagiti kalsada.
Gapu iti agtultuloy a panaggaraw ti bilang dagiti bangkay, aglalo a mangpabangsit daytoy iti aglawlaw.
Segun kadagiti residente a nakalasat, ti panaghupa ti nasao a layus ket ti panagrugi ti baro a rigat kadakuada.
No man pay adu dagiti tulong a naipaay kadakuada idi umuna nga aldaw ti sakuna, kinunada nga in-inot a nakissayan ti relief goods ken suporta a dumandanon kadakuada.
Kabayatanna, basar iti Finance Minister ti Nepal, masapolda ti sumurok-kumurang $4 billion agingga $5 billion tapno maisubli dagiti nadadael a pasdek ken makabangon ti komunidad ken residente a naapektaran.
