LAOAG CITY – Dinayaw ni Pope Leo XIV dagiti agtutubo a nagatendar iti misa na idiay Paris.
Umabot iti nasurok a 700,000 a tattao ti nagatendar iti open-air a misa a naiyuswat iti special alter iti Place de la Concorde kas paset ti maikapat nga aldaw nga ibibisita na iti nasao a pagilian.
Sakbay a nangrugi ti misa ket naiyuswat nga immuna ti motorcade no sadinno a napunno dagiti tattao ti kalsada ti Champs-Elysee Avenue a nakalugan ti popemobile.
Nagatendar iti misa ti sumagmamano a pulitiko ngem immuna a nakapulapol ti Santo Papa ni French President Emmanuel Macron.
Iti misa, ginutigot ti Santo Papa dagiti agtutubo a pagtalinaeden ti pammati da iti Diyos.
