LAOAG CITY – Kinumpirmaran ti bukod nga agencies da dati nga Bigbang member T.O.P ken ti South Korean actress a ni Nana nga adda relasiondan.
Basar iti Top Spot Pictures wenno ti management ni T.O.P nga immuna a nagkadua ti dua babaen ti panag-film ti maysa a music video ti rapper. Idinto a naamoan a nag-level-up ti relasionda idi Hunio.
Kabayatanna, kinumpirmaran met ti agency ni Nana daytoy.
Ni T.O.P ket naam-ammo kas miembro ti K-Pop boygroup a Bigbang ken nag-debut idi 2006. Timmalaw daytoy idi 2023 ngem nagsubli iti screen idi 2024 kas Thanos iti Netflix series a Squid Game Season 2.
Kabayatanna, naam-ammo met ni Nana kas miembro ti K-Pop girl group After School nanipud idi 2009. Miembro pay daytoy iti sub-unit iti grupo nga Orange Caramel. Idinto a nagbalin nga aktres ken nagbalin a cast iti Love Weaves Through a Millennium, The Good Wife, Kill It ken dadduma pay.
