LAOAG CITY – Nagkedkedan ni Kris Lawrence dagiti imbitasyon a mainterview daytoy maipanggep iti panagsinublianan da ken ni Katrina Halili, ti ina ti anak na a ni Katie.
Malaksid iti sungbat ni Kris a napasamak lattan ti panagsinublianan da ken ni Katrina idi Setyembre 16, 2026, saanen a nangipaay ti dadduma a detalye ti singer maipanggep kadagiti nararagsak a mapaspasamak iti biagda.
Inbatad ni Kris a ni laeng Katrina ti addaan ti karbengan nga agsarita ken agistorya maipanggep iti panagsinublianan da.
Mainaig iti daytoy, inpasingked ni Kris a saan a “for content” laeng ti panagsinublianan da ken ni Katrina.
Maipalagip a kadagiti naglabas nga interview ni Kris ket inbatad na a no adda man ti dati a karelasyon na a kayatna a sublianan, ket awan ti sabali no saan a ni Katrina ken awanen ti sabali pay.
