LAOAG CITY –Paigetan ti Department of Environment and Natural Resources wenno DENR ti kampanya iti panagin-inot ti danum gapu iti manamnama a nakaro nga epekto ti El Niño.
Iti Malacañang press briefing, inbatad ni DENR Secretary Juan Miguel Cuna a masapol ti panagin-inot ti panagusar ti danum kabayatan ti manamnama a mapasaran a panagtikag kadagiti sumarsaruno a bulan.
Kabayatanna, dinakamat ni Kuna dagiti wagas iti panagin-inot kas iti panangkissay ti usaren a danum iti panangdalos kadagiti lugan, panangliklik a dalusan dagiti driveway usar ti danum ken kadagiti dadduma pay a saan met a kasapulan.
