LAOAG CITY – Mangisayangkat ti Job Fair iti babaen ti panagbinnulig ti Provincial Government of Ilocos Norte (PGIN) ken ti Commission on Filipinos Overseas (CFO), a maysa nga ahensia nga adda iti sidong ti opisina ni Pres. Ferdinand R. Marcos Jr.
Segun ken ni Mrs. Anne Marie Lizette B. Atuan, manager ti Public Employment Service Office (PESO) ti Provincial Government of Ilocos Norte (PGIN) a daytoy ket nairanta para kadagiti displaced migrant workers.
Kunana a malaksid iti job fair ket adda pay maangay a migrant fair iti Commission on Filipinos Overseas (CFO) a mangidiaya iti dadduma pay a serbisio.
Inbatadna nga adda inimbitaranda a 15 a kompania ditoy probisia a makipaset iti job fair idinto a nagimbitar ti Commission on Filipinos Overseas (CFO) kadagiti National Government Agencies (NGA’s) ken dagiti overseas companies iti pannakibinnulig ti Department of Migrant Workers (DMW).
Iti babaen daytoy, kunana a mabalin nga agaplikar dagiti nagawid nga Overseas Filipino Workers (OFW) ti agaplikar no interesado dagitoy nga agturong tapno agtrabaho iti sabali a pagilian.
Mainaig iti daytoy, adda ti rinibu a vacant slots para kadagiti lokal a kompania idinto a maiyuray paylaeng no mano ti bakante a trabaho para iti overseas.
Ti nasao nga aktibidad ket maiyuswat intono Oktubre 22 iti Ilocos Norte Centennial Arena.
Kageddan ti nasao nga aktibidad ket ti pannakaiyuswat met ti government to government recruitment activity iti babaen ti Taiwanese government.
Innayon ni Atuan nga agkasapulan ti Taiwn ti 100 nga aplikante ken mangiyuswat dagitoy ti interview ken eksaminasyon iti Dap-ayan Commercial Center para kadagiti skilled workers.
Kabayatanna, maragsakan met ni Governor Cecilia Marcos para iti pannakaiyuswat dagiti nasao nga aktibidad
