LAOAG CITY – Agtalinaed nga umdas iti gross international reserves (GIR) iti pagilian kabayatan ti panagbaba idi laeng kallabes, basar iti Bangko Sentral ng Pilipinas wenno BSP.
Basar iti preliminary data a naiparuk-at idi Oktubre 7, bimmaba iti gross international reserves ita a Setiembre no sadinno manipud iti USD104.8 billion a nairekord idi Agosto ket nagbalin daytoy nga USD100 billion.
Naamoan a daytoy ket gapu iti net foreign exchange operation ken downward valuation adjustment iti ahensia a nangitunda iti panagbaliw iti presio iti gold holdings iti Bangko Sentral ng Pilipinas ken foreign currency–denominated reserve assets.
Malaksid iti panagbaba ti gatad iti foreign currency deposits ti nasional a gobierno ken iti Bangko Sentral ng Pilipinas, ti external debt service ken iti net foreign currency withdrawals manipud iti deposits iti gobierno nasional ken iti Bangko Sentral ng Pilipinas ti nangitunda pay iti panagkissay iti gross international reserves idi napalabas a bulan.
Nupay kasta, pinasingkedan ti Bangko Sentral ng Pilipinas a ti gross international reserves ket mangipaay ti umdas a foreign currency tapno maabot iti import needs ti pagilian, mangipaay ti serbisio iti external debt obligations ti ahensia ken agserbi kas sangga kontra iti external economic shocks.
Buklen ti gross international reserves ti eligible foreign assets, pakairamanan ti securities, currency ken deposits, reserve position iti pondo, gold, special drawing rights ken dadduma pay a reserve assets nga iggem iti central bank.
