LAOAG CITY – Nangidatag ti depensa iti kopya ti Letter of Authority (LOA) ti Bureau of Internal Revenue para iti pannakaadal iti tax records ni Vice President Sara Duterte ken ti asawa na a ni Atty. Manases Carpio iti impeachment trial.
Inaramid daytoy ni Defense counsel Kristine Ferrer iti cross-examination ken ni Bureau of Internal Revenue official Atty. Anne Loraine Garcia-Marquez iti Day 37 ti trial mainaig iti unexplained wealth kontra iti bise presidente.
Impalagip met ti testigo ken ti private prosecutor a confidential dagiti nasao a dokumento, ngem impaganetget ti depensa nga adda pammalubos ti kliyente da nga ipublikar dagitoy.
Pinalubosan ni Senate impeachment court presiding officer Francis Escudero nga agtultuloy ti depensa iti panagsaludsod.
