LAOAG CITY – Inrakurak ti baro a Kapuso aktor a ni Bailey May a kayatna a makadwa ti komedyante a ni Pokwang iti maysa a proyekto iti masangwanan.
Nasaludsud pay ken ni Bailey no ania dagiti proyekto a kayatna a mapadasan iti kapuso network, ket insungbat na a ti kayatna nga aramiden ket ti “Action, comedy, ken horror”.
Linagip pay ni Bailey ti kapadasan na kas miyembro ti global pop group a Now United, ken inladawan na daytoy kas maysa a parabor iti biagna gapu ta ado dagiti nasursuro na.
Maipalagip a nagpirma ni Bailey iti Kapuso Network idi miyerkules, Oktubre 7 ken nagbalin daytoy a nalatak kalpasan a napili kas 4th Big Placer ti “Pinoy Big Brother: 737” idi 2012.
