LAOAG CITY – Nakaawid ti maysa a pusa a nagpukaw ti 10 a tawen iti Caerphilly, Wales idiay United Kingdom kalpasan daytoy a nabirukan sumagmamano laeng a kilometro manipud iti lugar a naudi a nakakitaanda.
Ti agtawen 13 a tawen a pusa a ni Charlie ket napukaw idi Abril 2016, tallo laeng nga aldaw kalpasan nga immakar ti pamiliada iti nasao a lugar.
Tallo pay laeng ti tawen ni Charlie idi rimuar daytoy tapno pumasiar iti aglawlaw ti baro a pagiananda ngem maysa nga aldaw, saan daytoyen a nagsubli iti baro a pagtaenganda.
Binirok daytoy dagiti amona ngem awan ti nalawag a lead no sadinno ti napanan ti pusada.
Kalpasan ti maysa a dekada, maysa a veterinary clinic ti nagtawag no sadinno a nabirukandan ni Charlie.
