LAOAG CITY – Manamnama ti panangipila ti reklamo a cyber libel ni Claudine Barretto iti National Bureau of Investigation kontra ken ni Cristy Fermin ken iti co-host-na a ni Rommel Villamor wenno adadda nga amammo iti publiko a Rommel Chika.
Inpakaammo ni Claudine ti manamnama a panangipilana ti reklamo iti maysa a talk show, no sadinno inbasa ni DJ Jhai Ho ti rakurak ni Claudine iti live telecast a naipabuya iti publiko idi laeng Domingo.
Iti nasao a rakurak, pinalagan ni Claudine dagiti inrakurak ni Cristy a maipagarup nga addaan daytoy ti rangkap a bipolar disorder, supsupusupan ti kabsatna a ni Gretchen Barretto dagiti kasapulanna ken ti alegasion ni Cristy kenkuana a nagpa-ospital daytoy para laeng agparetoke.
Kabayatanna, mainaig iti reaksion ni Cristy iti reklamo a manamnama a maipila kontra kenkuana, kinunana a nakasagana daytoy a sumango iti korte.
