Inbatad ni Konsehal Justin Clarence Chua, Chairman ti Committee on Agriculture ditoy Ciudad ti Laoag, a nangrugin ti panagapit ti ipon dagiti mangngalap.
Inbatad na a basar iti report kadakuada, ket bassit laeng dagiti maal-ala nga ipon ditoy ciudad gapu iti epekto ti El Niño.
Nupay kasta, kunana a mangnamnama dagiti mangngalap nga ad-ado ti maala nga ipon dagiti mangngalap iti sumaruno a bolan.
Mainaig iti daytoy, kuna ni Chua nga awan met pay ti naireport kadakuada mainaig iti pannakatay dagiti ikan wenno lames ditoy ciudad gapu iti nakaro a kinabara ti panawen.
Kabayatanna, inpasigurado ti konsehal ti naan-anay a tulong ti lokal a gobrierno para kadagiti mangngalap a maapektaran ti El Niño ditoy ciudad.
