Itultuloy ti National Dairy Authority (NDA) ti importasion ti dairy cattle kalpasan a nakaawatda ti 1,419 a masikog a baka manipud iti Australia para iti napigpigsa a produksion ti gatas iti pagilian.
Dagitoy ket pakairamanan dagiti Holstein-Jersey, purebred Holstein, ken Holstein-Jersey cross breeds.
Basar iti National Dairy Authority (NDA), 150 a baka ti dumalan iti quarantine ken acclimization iti stock farm iti General Tinio, Nueva Ecija, idinto nga iti 150 ket agnaed iti Ubay, Bohol, ken ti nabatbati a 1,119 heads ket agnaed met iti Del Monte Feed Lot idiay Bukidnon.
Gapu ti importasion, manamnama a ngumato ti herd population iti 2,527 ken makaiserbi iti mapatta-patta a 5.9 million litro ti gatas iti 2027.
