LAOAG CITY – Nangisayangkat ti maysa a clearing operation dagiti kapulisan iti Portugal iti protest camps diay Lisbon ken Porto ita nga aldaw, Oktubre 20, no sadinno pinatalawda dagiti aktibista a nagtalinaed ti dua a central squares a nagprotesta kontra iti kumarkaro nga housing crisis ken naarestar iti 55 nga indibidual.
Mainaig iti daytoy, nagtalinaed dagiti aktibista iti Rossio Square iti Lisbon manipud idi Oktubre 17 no sadinno immabot iti 200 tents. Kabayatan a nagpaot ti panagtalinaed dagiti aktibista iti 10 nga aldaw iti Dom Joao I square diay Porto.
Dagiti camps ket sumarsarming ti housing protest iti kabangibang a pagilian, Spain ken nagtunos iti nakaro a panangngato ti living costs dagiti sabali a pagilian kas iti France, Belgium ken Italy.
Kalpasan a binallaagan dagiti aktibista nga iligal dagiti camp, nangiyuswat ti natunos nga operasion iti dua a siudad. Idinto nga inikkat dagiti nagprotesta dagiti tents-da diay porto kabayatan a dagiti opisial ti nangikkat dagiti tents iti Rossio square.
